Mental Block

Writer's Block, not really.

A mental block is an informal term used to mean either repression of painful thoughts, or an inability to continue a train of thought, like in the case of writer's block.
It is often used to describe a temporary inability to recall a name or other information.
Source: Wikipedia

Totoo kayang Writer's Block lang ito o isang episode sa buhay ng tao kung saan wala siyang ideya kung meron nga talagang laman ang utak niya o wala. O baka wala lamang siyang inspirasyon. Kailangan nga ba non? Sabi nila kung gusto mong magsulat ay natural na yong dadaloy mula sa isip mo patungo sa iyong mga kamay.

May isang salita akong di malirip sa isip ko kahapon at kinailangan ko pang tanungin ang kaibigan ko para mapatunayan lang o malamang iyong talaga ang salitang naisip ko.

Ngayong araw na to' may mga naririnig pa rin akong mga nagsasalita sa isip ko. Totoo man siya o hindi parang gusto ko na ulit maniwala na ang mahalaga ay hindi naman ganon kaimportante. Ang mga salita o mga panaginip ay mahirap nga talagang abutin at ang mga panalangin ay isang listahan lamang.

Bumalik nanaman ako sa dati kong itsura na tila ba apektadong apektado ako. Walang sigla ang mukha ko at lagi na lang nakasimangot o di kaya ay nakatunganga lang sa kawalan. Tapos yung mga sandali ay parang lumilipas sa bawat pagpihit ng oras.

... Siphayo... Kahungkagan...

Ang ellipsis ay simula lang ng bagong pangungusap...